आपल्याला कधीकधी अचानक पैशांची आवश्यकता असते व तेंव्हा आपल्याकडे आपल्या बँक खात्यामध्ये पैसे असतीलच असे नाही. एखाद्यावेळेस आपल्याला दहा-वीस हजार रुपयांपर्यंतच्या रकमेची सुद्धा गरज पडू शकते, तेंव्हा आपण मित्र किंवा नातेवाईक किंवा इतर व्यक्तीकडून हातउसने पैसे घेतो किंवा एखाद्या नॉन बँकिंग फायनान्स कंपनी अर्थात एनबीएफसीकडे कर्ज घेण्यासाठी अर्ज करतो. जर तुम्हाला सुद्धा १५ हजार ते १ लाख रुपयांपर्यंतचे कर्ज हवे असेल तर ते तुम्ही गुगल पे च्या माध्यमातून आता घेऊ शकतात. गुगल इंडियाच्या माध्यमातून भारतातील छोट्या-छोट्या व्यावसायिकांना मदत व्हावी या अनुषंगाने गुगल पे ॲप्लिकेशनच्या माध्यमातून कर्ज सुविधा सुरू केली आहे एवढेच नाही तर यासाठी खूपच कमी कागदपत्रे लागणार असून ही सर्व कागदपत्रे ऑनलाइन पद्धतीने तुम्हाला देणे आवश्यक आहे त्याचीच माहिती आपण या लेखात घेऊ.
गुगल पे वर अश्या प्रकारे मिळवा कर्ज
या कर्जासाठी तुम्हाला कोणत्याही प्रकारच्या कार्यालयात जाण्याची आवश्यकता नाही, अशा प्रकारच्या देण्यात येणाऱ्या कर्जांना गूगल इंडियाने सॅशे लोन असे नाव दिले, या माध्यमातून तुम्ही गुगल पे कडून कर्ज घेऊ शकता. गुगल पे ने याकरता डीएमआय फायनान्स कंपनी सोबत पार्टनरशिप केली असून यासोबतच ई-पेलेटर च्या भागीदारीत व्यापाऱ्यांकरिता क्रेडिट लाईन सक्षम करण्याची देखील सुविधा देण्यात आली आहे.याचा वापर करून व्यापारी वर्ग ऑनलाइन व ऑफलाईन वस्तू खरेदी करू शकतात, तसेच लोकांना त्यांच्या आवश्यकतेनुसार कर्ज देण्यासाठी गुगलने अनेक प्रकारच्या बँका आणि एनबीएफसींसोबत करार केलेला आहे. हे एक छोट्या प्रकारचे कर्ज असून यामध्ये १० हजार ते १ लाख रुपयांपर्यंतचे कर्ज मिळते, आणि कर्जाचा कालावधी हा ७ दिवस ते १२ महिन्यांचा आहे. हे कर्ज घेण्यासाठी ॲप डाऊनलोड करणे आवश्यक आहे किंवा ऑनलाईन अर्ज देखील तुम्ही करू शकतात.
हे कर्ज कोणाला मिळू शकते?
सध्या गुगल इंडियाच्या माध्यमातून ही सुविधा टियर दोन शहरांमध्ये सुरू केली असून ज्या लोकांचे मासिक उत्पन्न 30 हजार रुपये आहे त्यांना सहजपणे हे सॅशे लोन मिळणार आहे.
कर्ज घेण्यासाठी असा करावा अर्ज
1) सर्वात अगोदर तुम्हाला गुगल पे फॉर बिजनेस ॲप डाऊनलोड करून ते आपल्या मोाईलमध्ये उघडावे लागेल.
2) यामध्ये लोन या विभागात/ऑप्शन वर जावे आणि ऑफर्स टॅब वर क्लिक करावे.
3) त्यानंतर तुम्हाला जेवढे कर्ज घ्यायचे असेल ती रक्कम निवडावी लागते आणि गेट स्टार्ट या बटणावर क्लिक करावे.
4) या ठिकाणी क्लिक करताच तुम्हाला कर्ज देणाऱ्या भागीदाराच्या वेबसाईटवर रीडायरेक्ट केले जाईल.
5) त्यानंतर तुमच्या गुगल खात्यात लॉगिन करावे व त्या ठिकाणी तुमची वैयक्तिक माहिती द्यावी. तुम्हाला कर्जाची रक्कम ठरवावी लागेल व कर्ज कोणत्या कालावधीसाठी घेतले जात आहे ते देखील तुम्हाला नमूद करणे आवश्यक आहे.
6) त्यानंतर तुम्हाला पुनरावलोकन करणे आवश्यक आहे व कर्जकरारावर इ स्वाक्षरी करावी लागेल.
7) त्यानंतर ईएमआय पेमेंट साठी तुम्हाला सेटअप इ मॅनडेट किंवा सेटअप NACH या ऑप्शन वर क्लिक करणे गरजेचे आहे.
8) ही सर्व प्रक्रिया केल्यानंतर तुम्हाला तुमचा कर्जाचा अर्ज सबमिट करावा लागेल व त्यानंतर तुम्हाला कर्ज मिळेल.