मार्चपासून आता जेवढे पैसे.. तेवढीच वीज मिळणार;
पश्चिम महाराष्ट्रात आता मार्च पासून सिंगल व थ्रीफेजच्या एकूण ६८ लाख ३९ हजार ७५२ वीज ग्राहकांकडे स्मार्ट प्रीपेड मीटर बसविले जाणार आहेत. नविन तंत्रज्ञान व आर्थिक आवश्यकतेनुसार वीज वापराच्या नियोजनाचा अधिकार देणारे स्मार्ट प्रीपेड वीजमीटर लघुदाब घरगुती,औद्योगिक, ओष्णिक व इतर ग्राहकांकडे मोफत मीटर बसविण्याचे नियोजन महावितरण कंपनीकडून बसवण्यात येत आहे. यामध्ये पश्चिम महाराष्ट्रात सिंगल आणि थ्रीफेजच्या वीजग्राहकांकडे स्मार्ट प्रीपेड मीटर बसविले जाणार आहेत. यासोबतच महावितरणच्या वितरण यंत्रणेतील विजेचा हिशेब आणखी अचूक ठेवण्यासाठी १ लाख २८ हजार ६२३ वीजग्राहकांच्या घरी टप्याटप्प्याने स्मार्ट मीटर बसविण्याचे काम सुरू होणार असल्याची माहिती महावितरण प्रशासनाने दिली आहे.
 आता प्रत्येकाच्या घरावर सोलर रूफ टॉप (सौर ऊर्जा ) बसवण्यात येणार.येथे क्लिक करा/Click Here |
सध्या अस्तित्वात असलेल्या पारंपरिक वीजमीटरच्या प्रणालीमध्ये ६८ लाख ४० हजार ग्राहकांच्या घरी जाऊन प्रती महिन्याला मीटरचे फोटो आणि रीडिंग घेणे, त्यानुसार वीजबिल तयार करणे आणि बिलांचे वितरण करणे या प्रक्रियेत बऱ्याच दिवसांचा कालावधी लागतो. तसेच काही ग्राहकांच्या घराला कुलूप असल्याने रीडिंग घेणे खूप अवघड जाते, त्यामुळे कधी कधी चुकीचे असल्यास दुरुस्ती करणे, मीटर नादुरुस्त होणे तसेच वीजबिलांचा वेळेवर भरणा न होणे, विजबिलाच्या थकबाकीमुळे वीजपुरवठा खंडित केला जाणे, अशी कारणे उद्भवतात. त्यामुळे स्मार्ट मीटर रिडिंग प्रक्रिया सुरु करण्यात आली आहे. ‘वीजग्राहकांसाठी स्मार्ट प्रीपेड मीटर अत्यंत उपयुक्त असून त्यामुळे विजेवरील खर्च नियंत्रणात राहील, आवश्यक तेवढाच वीजवापर करता येईल व वीज बिलिंगच्या तक्रारी संपुष्टात येईल’.
.
 २ हजाराच्या बचतीवर आता तुम्हाला मिळतील ३० लाख रुपये ! सविस्तर वाचा.येथे क्लिक करा/Click Here |
वीजग्राहकांना नवीन प्रीपेड स्मार्ट मीटर मोफत देण्यात येणार आहेत. विजेसाठी आवश्यक तेवढी रक्कम भरून वीज वापरता येईल, त्यामुळे वीज वापरण्यासाठी किती खर्च करायचा, किती वीज वापरायची याचे नियोजन करणे ग्राहकांना शक्य होईल. त्यामुळे विजेचा अनावश्यक होणारा वापर टाळून आर्थिक व विजेची बचत करता येईल. मोबाईलप्रमाणेच विजेचं रिचार्ज करण्याची सुविधा ग्राहकांना घरबसल्या ऑनलाइनद्वारे उपलब्ध करण्यात येणार आहे. रिचार्ज केलेल्या रकमेतून दररोज विजेचा किती वापर केला, किती रक्कम शिल्लक राहिली व रिचार्ज संपत आल्याची माहिती मोबाईलद्वारे मिळेल, त्यानुसार वीजेचा वापर व त्याचे आर्थिक नियोजन करणे शक्य होणार आहे.
पोस्ट शेअर करण्यासाठी खाली दिलेल्या शेअर बटण वर क्लिक करून शेअर करा